Shkrimtarja britanike që krijoi botën magjike të Harry Potter-it, JK Rowling, ka njoftuar lexuesit e saj se pjesa e tetë e serisë së famshme “Harry Potter”, do të publikohet më 31 korrik të këtij viti. Kjo pjesë do të botohet nga “Litle Brown” në Mbretërinë e Bashkuar.
Libri do të publikohet pas prezantimit të dramës “Harry Potter”. Drama e titulluar “Harry Potter and the Cursed Child” do të tregojë pjesën e “pa treguar” të historisë së djalit magjistar, dhe edhe historinë e prindërve të tij të vrarë.
Libri i shtatë dhe i fundit “Harry Potter And The Deathly Harrows” u botua në vitin 2007.
Më shumë se 450 milionë libra të “Harry Potter” janë shitur në mbarë botën dhe filmat janë përkthyer në 78 gjuhë të ndryshme.