Miku im i mirë i orëve të para
ti mbillje fjalën e lirë që të binte në ara
Ti asnjëherë besës nuk ia ktheve shpinën
nën qirinjë e shpresës"Lutje për Prishtinën"
Përveq lirisë dhe kulturës nuk gjakoje tjetër
veçse prapa urës të prisnin ca lugetër
Lugetër të kombit që i frikësoheshin fjalës
Etër e bijë etërish që i gjasonin Njalës
Jo Njalës peshk,por njalës gjarpër
shurdhojnë sy e vesh e sythat i korrin me drapër
Drapri i tyre një ditë të zuri edhe Ty
në jetë të jetëve ata mos paqin dritë në sy
Vitet ikin e Ti mbetësh simboli i Qëndresës
për Fjalën e lirë-betim shpresës e besës!...
