Tempulli antik i Bel në Palmira mund t’u ketë mbijetuar shkatërrimit të grupit terrorist të ISIS, pohojnë zyrtarët sirianë.
Banorët përreth raportuan përpjekjet për ta hedhur në erë temupullin, një nga ndërtesat më të veçanta antike në gjithë Sirinë të shtunën, pak ditë pasi imazhet e nxjerra tregonin një shkatërrim total afër Tempullit Baalshamin.
Por të dielën, kreu i departamentit kombëtar të antikave të Sirisë tha se “informacioni i përkohshëm” sugjeron se struktura më e madhe ende qëndron në këmbë.
“Kjo tregon se çdo dëm i bërë ishte i pjesshëm dhe struktura bazë është ende në këmbë”, tha Maamoun Abdulkarim për BBC.
Qysh nga nisja e konfliktit në Siri dhe themelimit të Shtetit Islamik, terroristët kanë shkatërruar shumë vepra të lashta, pasuri botërore e historisë së njerëzimit.
