Radio Televizioni Shqiptar ka hapur konkursin për artistët që duan të jenë pjesëmarrës në edicionin e sivjetmë të “Festivalit te Këngës”, fituesi i së cilit përfaqëson Shqipërinë në Evrovizion, që kësaj here mbahet në Stokholm të Suedisë.
Në faqen zyrtare të RTSH-së janë radhitur kushtet të cilat këngëtaret duhet t’i plotësojnë, kushte që nuk ndryshojnë nga viti në vit.
Pranimi i këngëve do të bëhet më 29 dhe 30 Shtator 2015, nga ora 09:00 deri në orën 14:00 në Radio Tirana.
Ajo çka bie në sy është se sivjet organizatorët e festivalit kanë hapur konkursin më herët se vitet e kaluara.
Në vitin 2014 në këtë festival triumfoi këngëtarja Elhaida Dani.
