Artisti i ri nga Kosova i stripit Gani Sunduri është shpërblyer me Mirënjohje për zhvillimin dhe popullarizimin e stripit në Ballkan në Festivalin ballkanik të autorëve të rinj, që këtë fundjavë u mbajt në Leskovac të Serbisë.
Në edicionin e 17-të të këtij festivali kanë marrë pjesë më se 80 artistë nga më shumë shtete, si Belgjika, Bullgaria, Bosnja e Hercegovina, Rumania, Anglia, Maqedonia etj.
Punimet e tyre për festivalin i kanë dërguar 1.709 artistë nga 36 shtete të botës, ndërsa Sunduri ka marrë pjesë me 6 faqe të stripit.
Organizatorët e festivalit kanë shprehur interesimin që Sunduri vitin e ardhshëm të mbajë një tribunë për stripin në Prizren./KosovaPress/