Parku Arkeologjik Amantia është gati të presë turistët. Këtë e kanë bërë me dije vetë specialistët e Drejtorisë Rajonale të Kulturës Kombëtare Vlorë.
Specialistët e DRKK-së Vlorës kanë realizuar së fundmi edhe një inspektim përfundimtar në ambientet e parkut, ku pasi kanë ndërhyrë në përmirësimin e anës logjistike të parkut me vendosjen e tabelave informuese në shqip dhe anglisht, dhe pasi kanë mobilizuar punonjësit për të pritur sa më shumë vizitorë, hapin tashmë dhe dyert e Parkut Arkeologjik.
Ndërkohë që sqarojnë se Parkut Arkeologjik i është shtuar edhe një tjetër monument, Varri Monumental, i cili është zbuluar gjatë gërmimeve të Institutit të Arkeologjisë dhe DRKK Vlorë.
Amantia, rrënojat e një qyteti antik ne Shqipëri Historia emri i saj u përmend për herë të parë në shekullin e IV para Krishtit. Amantia u themelua në fund të shekullit V para Krishtit Ajo ndodhet në një kodër dhe është e fortifikuar me mure. Në shekullin e III-të para Krishtit qyteti u forcua ekonomikisht dhe nxori monedhat e tij të para. Në vitin 268 para Krishtit, qyteti preu monedhën e vet. Ka ende gjurmë të tempullit të Afërditës, teatrit dhe stadiumit.
Arkeologët që zbuluan Amantian ishin Frano Prendi, Hasan Ceka e Skënder Anamali. Ata udhëhoqën gërmimet që nisën në vitin 1949 deri në 1956. Gërmimet zbuluan gjurmët e një prej qyteteve të rëndësishme të antikitetit. Përveç mureve rrethuese të Akropolit dhe portave të qytetit, janë zbuluar edhe stadiumi, tempulli i Afërditës, nekropoli me varret monumentale, kisha e ndërtuar në shekullin I pas Krishtit etj. Stadiumi është i përbërë nga 17 shkallë në pjesën ballore, 8 shkallë në pjesën lindore dhe 4-6 shkallë në atë jugore. Ky objekt(stadiumi), është ndërtuar në shekullin III para Krishtit.
