Festivali i muzikës klasike në Prishtinë, Chopin Piano Fest Prishtina, ka filluar përgatitjet e edicionit të gjashtë me radhë, i cili mbahet nga 10 deri më 26 prill.
Edhe këtë vit parashihet një seri e recitaleve në piano, nga pianistë të mirënjohur vendorë dhe ndërkombëtar të cilët ofrojnë performanca artistike të repertorit më të njohur botëror sa i përket instrumentit të pianos.
Gjithashtu, në program do të ketë edhe pjesë për piano nga repertori kontemporan i kompozitorëve nga Shqipëria, Kosova, Spanja, Armenia dhe Polonia.
Në faqen e festivalit në Facebook, organizatorët kanë publikuar videon e një pianisti të ri i cili do të mbajë koncertin e hapjes:
Chopin Piano Fest filloi të mbahej në vitin 2010 në Prishtinë, për të shënuar 200 vjetorin e lindjes së kompozitorit të mirënjohur polak. Në këtë festival kanë interpretuar pianistët me famë botërore Peter Donohoe, Janina Filakowska, pastaj pianistet tona të njohura Ardita Statovci dhe Alberta Troni.