“Agnus Dei” shpërblehet në Canada International Film Festival

Kultura

“Agnus Dei” shpërblehet në Canada International Film Festival

Më: 26 shkurt 2015 Në ora: 00:23

Filmi “Agnus Dei” i regjisorit Agim Sopi ka fituar çmimin Award of Excellence në festivalin prestigjioz Canada International Film Festival në Vankuver, duke shtuar sukseset e shumta të këtij filmi këto dy vitet e fundit.

Sipas KultPlus, ky çmim, i 30-ti me radhë për “Agnus Dei”, vjen pas lajmeve për pjesëmarrjen nëpër programet zyrtare të shumë festivaleve ndërkombëtare.

Të enjten filmi merr pjesë në festivalin San Francisco International Film Festival, të shtunën në festivalin Indie Spirit International Film Festival of Arkasas, ndërkaq më 4 mars shfaqet në Magwill Film Festival, West Hollywood, ku garon për çmimin kryesor.

Në muajin maj filmi shfaqet në dy festivalet Hong Kong Salento International Film Fest dhe në Rainbow Film Festival në Londër.

“Agnus Dei” është film i metrazhit të gjatë, që rrëfen historinë e Petrit, i cili jeton një jetë të dëshpëruar me nënën e tij, Marian, e cila jeton në Serbi dhe ishte dashuruar me një burrë shqiptar, me të cilin pati një djalë. Gjatë luftës në Kosovë, Petri bëhet pjesë e ushtrisë serbe dhe gjatë një aksioni, ai vret të atin e tij. Në film luajnë aktorët Astrit Alihajdaraj, Dafina Berisha, Zaklina Ostir, Enver Petrovci, Çun Lajçi, dhe Bajrush Mjaku.

Sot mund të lexoni Shfletoni kopertinat