Filmi “Resident Evil: The Final Cahpter” do të fillojë xhirimet në muajin gusht, ka paralajmëruar aktorja Milla Jovovich.
Ylli i katër pjesëve të para të filmit, e cila është duke pritur fëmijën e saj të dytë me regjisorin Paul WS Anderson – nëpërmjet Facebookut ka thënë se synon që gjatë verës të fillojë xhirimet e filmit me zombi.
“Jam krenare me veten që nuk kam fituar peshën e njëjtë që e kisha në fëmijën e parë, sepse duhet të jem gati për të filluar xhirimet e filmit ‘Resident Evil: The Final Chapter’”, ka thënë ajo.
“Unë dua të jem e shëndetshme që të kem një lindje të lehtë dhe pa probleme. Dua të punoj shumë që të jem gati për të krijuar një film të mirë aksion”.
“Resident Evil: The Final Chapter” do të jetë pjesa e fundit e filmit.