Lista e shkurtë për filmat më të mirë në kategorinë Filmi më i mirë i huaj në Oscars tashmë është publikuar, ndërsa Kosova nuk ka arritur të futet në 9 filmat e kësaj liste. Në fakt, shumë prej filmave më të rëndësishëm të këtij viti, përfshirë fituesin e Kanës, nuk janë futur në listë.
“Winter Sleep” nga Nuri Bilge Ceylan , edhe pse fitoi Palmën e artë, nuk u konsiderua i denjë për Oscar, ashtu si dhe filmi “Mommy” i Xavier Dolan, që fitoi çmimin e jurisë në Kanë. As “White God” e “Two Days One Night”, nuk u futën në këtë listë.
Filmat që u përzgjodhën, e që do të vazhdojnë të përzgjedhen në vetëm pesë filma më të mirë, janë këta:
"Ida" - Pawel Pawlikowski, Poloni
“Wild Tales”, Damian Szifron, Argjentina
"Corn Island", George Oshavili, Gjeorgjia
"mandarina", Zaza Urushadze, Estonia
"Timbuktu", Abderrahmane Sissako, Mauritania
"Akuzuarit" Paula van der West, Netherlands
"Leviatan", Andrey Zvyagintsev, Rusia
"Forcë Madhore", Ruben Östlund, Suedia
"Liberator", Alberto Arvelo, Venezuela
Nominimet e plota për Oscars do të publikohen më 15 janar të vitit 2015, ndërsa ceremonia e ndarjes së çmimeve do të mbahet më 22 shkurt.
