Muzeu i qytetit të Mitrovicës, në bashkëpunim me organizatën jo-qeveritare “7arte” në Mitrovicë, do të zgjerojë aktivitetet kulturore në një ambient të ri.
Më 23 dhjetor, këto dy organizata do të bëjnë hapjen e sallës multimediale, me ç’rast do të bëhet prezantimit i videos së shkurtë promovuese, “Mitro të dua”.
Në kuadër të këtij manifestimi hapet edhe ekspozita me fotografi, e cila mban titullin “Imazhe nga Mitrovica e shekullit XX”.
Projekti “Mitro të dua” dhe ekspozita me foto “ Imazhe nga Mitrovica e shekullit XX” është mbështetur nga: Balkan Museum Network, Ambasada Amerikane në Prishtinë, DKRS-Komuna e Mitrovicës.
“Mitro të dua” ka për qëllim krijimin e një videoje të shkurtër me qasje pozitive për Mitrovicën.
