Sapo u mendua se rikthimi te video-game-t klasike nuk mund të vazhdohej më nga industria e filmit, një tjetër përshtatje nga loja në film duket në horizont.
Kësaj here është fjala për lojën klasike Tetris, me blloqet e pafundmë që bien për t’i rregulluar në formë muri, e cila po kthehet në një film aksioni nga grupi që ka prodhuar seritë e filmave Mortal Kombat.
Megjithëse ende askush nuk ka nënshkruar për të luajtur në film, producentët e Threshold Entertainment tregojnë se i kanë të gjitha idetë për ta sjellë në ekran.
‘Është një film gjigant, fantastiko-shkencor,’ tha kreu i kompanisë Larry Kasanoff. “Por nuk do të ketë ë bëjë shumë me forma gjeometrike”.
‘Ne kemi prapa një histori, atë të Tetris, që e bën filmin shumë më imagjinativ’.
Producentët nuk zbuluan shumë detaje për rrëfenjën e tyre të re, por dashamirësit sigurisht që janë bërë mjaft kuriozë.
Loja origjinale Tetris u krijua nga talenti i kohës sovjetike Alexei Pajitnov, dhe u publikua në vitin 1984 duke u kthyer menjëherë në një ‘hit’ me kompaninë Nintendo GameBoy.
