Me këngë e valle nga ansamble të ndryshme prej Kosovës, Shqipërisë e Maqedonisë u shënua edhe nata e tretë e Festivalit Ndërkombëtar të Fëmijëve “Ylberi i Prishtinës 2014”.
Para shikuesve në sheshin “Zahir Pajaziti” në Prishtinë, natën e hapi ansambli “Durrësi” nga Shqipëria.
E më tutje me valle të bukura e vazhduan ansambli “Emin Duraku” nga Maqedonia.
Gjithashtu pjesë e kësaj nate më valle për fëmijë ishin edhe shoqëria kulturo-artistike “Fushë Kosova” dhe ajo “Bajram Curri”.
Me një koreografi u paraqit edhe shoqëria kulturo-artistike “Gerçek” nga Prishtina dhe “Minatori i ri” përformuan në natën e tretë të këtij festivali.
Dhe krejt në fund, me këngë e valle u shfaqen edhe “Shqiponjat e Mdevegjës” dhe qendra kulturo-artistike e Prishtinës.
Festivali Ndërkombëtar i Fëmijëve “Ylberi i Prishtinës 2014” organizohet nga Qendra Kulturore për Fëmijë dhe Komuna e Prishtinës.
Festivali ka filluar me datën 11 të këtij muaji dhe do të përfundojë në mbrëmjen e së nesërmes
Në këtë festival tradicional po marrin pjesë mbi 500 fëmijë të shteteve të ndryshme ku nën tingujt e muzikës dhe me veshjet tradicionale kombëtare përmes këngëve dhe valleve po prezantojnë vlerat kulturore.
Shtetet të cilat po marrin pjesë në festivalin “Ylberi i Prishtinës” 2014 janë: Turqia, Shqipëria, Kroacia, Bosnje Hercegovina, Mali i Zi, Maqedonia dhe ansamblet e valleve nga Kosova.
