​"Tri dritare dhe një varje"- parat e biletave për personat e dhunuar (Video)

Kultura

​"Tri dritare dhe një varje"- parat e biletave për personat e dhunuar (Video)

Më: 28 gusht 2014 Në ora: 23:03

Filmi i Isa Qosjes, "Tri dritare dhe një varje" nga muaji shtator do të nis rrugëtimin edhe në Prishtinë. Premiera e këtij filmi pritet të jepet me datën 4 të muajit ardhshëm.
Këtë fakt e ka treguar vet producent i filmit, Shkumbin Istrefi.

Ai në një postim në Facebook ka treguar se ky film prej datës 05.09.2014 deri me 11.09.2014 filmi do te shfaqet ne Kino ABC ne dy terminë, ne 20:00 dhe 22:00.

Por, përveç kësaj Istrefi ka treguar se ekipi dhe produksioni kanë marr vendim që parat nga shitja e biletave do të shkojnë në një fond.

“Produksioni CMB dhe ekipi i filmit, me aprovimin e QKK-se, kane kenaqesine qe te hyrat e inkasuara nga shfaqja e filmit t'i japin si donacion ne ndonjë fond për ndihme viktimave te dhunimit te luftes ne Kosovë”, ka shkruar ai.

“Tri dritare dhe një varje“ gjatë festivalit të filmit në Sarajevë që u përmbyll të shtunën, është mirëpritur nga publiku boshnjak megjithatë ai nuk arriti të marr ndonjë çmim në konkurrencën zyrtare edhe pse agjencia e lajmeve “Reuters” në një shkrim të publikuar ditë më parë, kishte vlerësuar se filmi kosovar ishte në mesin e nëntë filmave që janë pretendentë për çmimin kryesor “Zemra e Sarajevës”.

Në kuadër të këtij festivali, filmi i regjisorit Qosja u nderua me çmimin “Cineeuropa” nga portali kulturor me të njëjtin emër që i dedikohet kinemasë evropiane dhe profesionistëve evropianë të filmit. Ky çmim i ndahet një filmi që përveç që ka cilësitë e padiskutueshme artistike gjithashtu promovon idenë e dialogut dhe integrimit evropian.

Sot mund të lexoni Shfletoni kopertinat