(E plotësuar) - Policia e Kosovës ka identifikuar një të dyshuar lidhur me plagosjen e një personi në një lokal në Prishtinë.
Në një komunikatë për media thuhet se A.M. mashkull, shtetas i Kosovës, i cili aktualisht është në arrati, mbrëmë rreth orës 24:00, ka plagosur Osman Pacollin (33), në rrugën “Enver Maloku” në Prishtinë.
Pas marrjes së këtij informacioni në vendin e ngjarjes kanë dalë njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes.
Personi i plagosur është dërguar për trajtim mjekësor.
***
Një person është plagosur mbrëmë në Prishtinë. Media mëson se bëhet fjalë për Osman Pacollin, vëlla i deputetit të Kuvendit të Kosovës Islam Pacolli dhe zyrtarit të AKR-së Rrahim Pacolli.
Mësohet se gjendja e tij është jashtë rrezikut për jetë.
Plagosjen e Osman Pacollit e konfirmoi edhe nënkryetari I Prishtinës Selim Pacolli që njëherësh të plagosurin e ka djalë të axhës.
“Po bëhet fjalë për Osmanin, djalin e axhës, gjendja e tij është më e mirë”, tha Selim Pacolli.
Nga Policia nuk kanë dhënë detaje të hollësishme lidhur me këtë rast.