Sot rreth orës 01:00, nga njësitet policore të stacionit të Obiliqit , janë arrestuar dy persona të dyshuar, të cilëve u janë konfiskuar një armë zjarri dhe një thikë
Pas marrjes së informatës për të shtëna me armë nga një veturë e cila ishte në lëvizje, në fshatin Hamidi të Obiliqit, policia ka ndërmarrë një aksion dhe në një distancë jo të largët nga vendi i ngjarjes, ka arritur që të ndaloj automjetin e dyshuar dhe të arrestojë dy persona të dyshuar: E. R, mashkull, 19 vjeç, si dhe B. Sh, mashkull, 18 vjeç, njërit prej të cilëve i është gjetur dhe konfiskuar:
· një armë e tipit Ecol Special 99
· një armë e ftohtë (thikë)
· një karikator si dhe
· në vend ngjarje janë konfiskuar dy gëzhoja.
Ndaj personave të dyshuar, të cilët me urdhër të prokurorit janë dërguar në qendrën e mbajtjes për 48 orë, janë iniciuar rastet shkaktim i rrezikut të përgjithshëm dhe mbajtje në pronësi, kontroll ose posedim i paautorizuar i armës.