Një tjetër aksident ndodhi pasditen e sotme në Shqipëri.
Mësohet se një 25 vjeçar humbi jetën pasi u përplas nga një makinë pranë rrethrrotullimit të Metalurgjisë, në aksin Tiranë-Elbasan.
Bëhet me dije se “Benz”-i me targa AA 517 TB ka humbur kontrollin dhe për pasojë ka aksidentuar shtetasin S. Ll, 25 vjeç, shitës ambulant, i cili është transportuar për në Spitalin Rajonal Elbasan, por për shkak të gjendjes të rëndë shëndetësore, ka ndërruar jetën në spital.
Policia shoqëroi në komisariat drejtuesin e mjetit 23 vjeçarin G.H.
Dyshohet se shkak i aksidentit është shpejtësia tej normave e mjetit tip “Benz”.
