Policia e Kosovës ka njoftuar se në Pejë është identifikuar dhe arrestuar një i dyshuar, pasi duke përdorur dhunë kishte mbajtur të mbyllur në një dhomë në shtëpinë e tij viktimën femër shtetase të Çekisë.
Viktima ishte raportuar person i humbur nga autoritetet çeke.
Në posedim të personit të dyshuar janë gjetur dhe konfiskuar: një armë gjuetie 12 mm, një pistoletë 4.5 mm dhe një pushkë ajrore 5 mm. I dyshuari pas intervistimit me vendim të prokurorit dërgohet në mbajtje.