“Alo, më kanë marrë peng”, inskenimi si në filma i pengamarrjes së biznesmenit - Bota Sot
“Alo, më kanë marrë peng”, inskenimi si në filma i pengamarrjes së biznesmenit

Kronikë e zezë

E martë, 14 gusht 2018

“Alo, më kanë marrë peng”, inskenimi si në filma i pengamarrjes së biznesmenit

Më: 16 maj 2018 Në ora: 08:25
Policia shqiptare

Një biznesmen 41-vjeçar është proceduar penalisht nga Policia e Tiranës, pasi kishte bërë kallëzim të rremë për pengmarrje.

Burime nga Policia thanë se Seksioni për Hetimin e Krimeve ndaj Jetës, ka nisur procedim penal në gjendje të lirë për shtetasin Alkedo K., baba i dy fëmijëve, me akuzën e kallëzimit të rremë.

Të njëjtat burime thanë se 41-vjeçari, i cili është pronar i disa subjekteve lojërash fati e bastesh sportive, ka inskenuar pengmarrjen për shkak të borxheve të shumta që kishte. Mësohet se ai ka bërë kallëzim rreth një javë më parë, duke pretenduar se e kishin rrëmbyer duke e mbajtur peng për disa orë.

Ndërsa ditën e diel, pas hetimeve ka rezultuar se 41-vjeçari nuk ishte marrë peng nga askush, por gjithçka e kishte sajuar vetë. Më pas ai ka pranuar se e kishte inskenuar rrëmbimin, për t’iu shmangur disa shtetasve, të cilëve u kishte marrë borxhe në euro dhe në lekë.

“Në vijim të komunikatës që bën fjalë për veprën penale ‘Rrëmbimi ose mbajtja peng e personit’, më datë 13.05.2018, u gjet dhe u referuan materialet në Prokurorinë e Tiranës për shtetasin Alkedo K., 41 vjeç, banues në rrugën ‘Mihal Grameno’, në Tiranë, i cili ka inskenuar gjithçka për t’iu shmangur shtetasve, të cilëve u kishte marrë borxhe në euro dhe lekë”, tha zyrtarisht Policia e Tiranës.

Sot mund të lexoni Shfletoni kopertinat
Sondazh
test