Një ngjarje e rëndë ka ndodhur këtë të dielë në zonën pranë tunelit të Rrashbullit, në linjën e trenit Tiranë- Durrës.
Një 21 vjeçare është goditur nga treni dhe për pasojë ka humbur njërën këmbë. E reja, identiteti i të cilës nuk bëhet i ditur ende, ndodhet në gjëndje të rëndë shëndetësore.
Policia ka shoqëruar mashinistin për të sqaruar aksidentin tragjik të ndodhur këtë të dielë.
Pak kohë më parë pikërisht në të njëjtin vend, humbi jetën një burrë i moshuar i cili u përplas nga treni i linjës.