Një fabrikë prodhimi bojrash është grabitur gjatë natës, në afërsi të fshatit Dishnicë, në Korçë.
Persona ende të paidentifikuar kanë hyrë në ambientet e brendshme të fabrikës, në pronësi të shtetasit A.M., 47 vjeç, banues në Korçë. Grabitësit kanë vjedhur një kasafortë, brenda së cilës ndodhej një shumë e konsiderueshme lekësh.
Policia bën me dije se fabrika ruhej me roje private, i cili ka deklaruar se nuk kishte parë njeri, pasi vjedhjen e ka konstatuar rreth orës 08:00 të mëngjesit.
Grupi hetimor ndodhet në vendngjarje dhe po punon për identifikimin, kapjen e autorëve si edhe zbardhjen e rrethanave të ngjarjes.