Policia e Kosovës raporton se është vrarë një person në Magjistralen Ferizaj-Prishtinë.
Është raportuar se pas një mosmarrëveshje, i dyshuari mashkull K/Shqiptar, ka qëlluar me armë zjarri në viktimën mashkull K/Shqiptar duke i shkaktuar lëndime vdekje-prurës, ndërsa lëndime të lehta trupore ka pësuar edhe një mashkull K/Shqiptar. Në vendin e ngjarjes kanë dalë njësit relevante dhe ekipi mjekësor i cili ka konstatuar vdekjen e viktimës. Në lidhje me rastin janë arrestuar katër të dyshuar meshkuj K/Shqiptarë si dhe është kontrolluar shtëpia e tyre”, thuhet në raportin e policisë.
Me vendim të prokurorit pas intervistimit tre prej tyre janë dërguar në mbajtje ndërsa i dyshuari tjetër është liruar. Rasti është duke u hetuar.
