Katër persona janë përleshur dje në rrugën “Selman Lajqi” në Pejë në ora 21:00. Policia raporton se të involvuarit kanë pësuar lëndime trupore dhe janë dërguar për tretman mjekësor.
“Pas një mosmarrëveshje katër meshkuj K/Shqiptarë janë përfshirë në rrahje mes veti, me ç’rast të gjithë të involvuarit kanë pësuar lëndime trupore dhe janë dërguar për tretman mjekësor. Në lidhje me rastin janë arrestuar tre prej tyre dhe me vendim të prokurorit, dy nga të dyshuarit dërgohen në mbajtje, ndërsa i dyshuari i tretë vazhdon tretmanin mjekësor dhe njësit policore janë duke hetuar rastin”, thuhet në raport policor 24 orësh./BS