Qëllon me armë në ajër, arrestohet adoleshenti

Kronikë e zezë

Qëllon me armë në ajër, arrestohet adoleshenti

Më: 17 shkurt 2018 Në ora: 19:26
Ilustrim

Një 17-vjeçar nga Shkodra është arrestuar mesditën e së shtunës pasi kishte qëlluar në ajër me armë zjarri.

Nga sa raportohet ngjarja ka ndodhur rreth orës 14:50 të shtunës në fshatin Bardhaj. Menjëherë janë nisur forca të shumta të Policisë, ku falë veprimeve të shpejta u bë identifikimi, kapja dhe arrestimi në flagrancë i shtetasit N. P., 17 vjeç.

Policia ka gjetur e sekuestruar në cilësinë e provës materiale, armën e zjarrit Automatik model 56, me një krehër me fishekë, me të cilën dyshohet se ka qëlluar 17 – vjeçari.

Në vendngjarje janë gjetur dhe sekuestruar në cilësinë e provës materiale edhe 7 gëzhoja. Materialet do t’i referohen Prokurorisë së Rrethit Gjyqësor Shkodër për veprime të metejshme.

Sot mund të lexoni Shfletoni kopertinat