Mbrëmë në Podujevë është arrestuar një person i cili dyshohet se ka bërë prezantim të rrejshëm, shantazh dhe mashtrim.
Sipas Policisë së Kosovës, i arrestuari është 33 vjeçari R.Salihu.
Në komunikatën e dërguar nga Policia e Kosovës, thuhet se përveç hetuesve të Drejtorisë Rajonale të Policisë në Prishtinë, personi i dyshuar gjatë ditës është intervistuar edhe nga njësite të hetimeve të Drejtorisë së Gjakovës, Prizrenit e Gjilanit, pasi që i njëjti person dyshohet të ketë kryer vepra të natyrës së ngjashme edhe ne rajonet e tjera të Republikës së Kosovës.
