Ka ndërruar jetë në spital i riu nga Fieri që plagosi veten me armë zjarri në kokë gjatë ditës së sotme.
Mësohet se djaloshi i quajtur Roel Yzeiri nuk ka mundur dot t’i mbijetojë plagës së rëndë që kishte marrë, teksa ka goditur veten me armë të zjarrit.
I riu u dërgua nga familjarët në spital. Familjarët kanë thënë përpara bluzave të bardha se djali kishte qëlluar veten me armë.
Akoma nuk është e qartë se përse Yzeiri ka shkuar deri në gjendjen sa të qëllojë veten me armë. Grupi hetimor është duke u marrë me rastin në mënyrë specifike.
