Një 15 vjeçar me inicialet B.H, është arrestuar nga policia në Mitrovicë, pasi i njëjti dyshohet se ka therur me thikë viktimën A.S., 17 vjeçar, i cili mbetet në spitalin rajonal për trajtimin të mëtejmë mjekësor, pasi gjendja e tij është stabile.
Sipas Policisë, ngjarja fillimisht ishte raportuar se një person i lënduar ka kërkuar ndihmë në Spitalin Rajonal Mitrovicë, ku njësia patrulluese ka kontaktuar viktimën A.S., 17 vjeçar.
Në vendngjarje iu janë përgjigjur hetuesit e Stacionit Policor Jug dhe hetuesit e Sektorit Rajonal të Hetimeve, ku në bazë të të dhënave të para të siguruara është identifikuar identiteti i personit të dyshuar, dhe i dyshuari B.H., 15 vjeçar është arrestuar nga policia.
I dyshuari B.H., 15 vjeçar është intervistuar nga policia dhe me urdhër të prokurorit të Shtetit, të dyshuarit në fjalë ju ka shqiptuar masa e ndalimit policor.
Rrjedha hetimore e deritanishme si dhe elementet përbërëse të rastit, sipas prokurorit kompetent na udhëzojnë në hetim të veprës penale ‘vrasje në tentativë’.