Një apartament në qytetin e Elbasanit është përfshirë nga flakët këtë mbrëmje në “rrugën e Sarës”.
Në apartament jetonin disa studentë me qira, dhe njëri prej tyre ka harruar tenxheren me ushqim në një rezistencë. Për pasojë shtëpia ka marrë zjarr dhe brenda pak minutash është mbuluar nga flakët.
Forcat zjarrfikëse kanë mbërritur dhe po shuajnë flakët. Fatmirësisht nuk ka patur të lënduar, por nga ana tjetër mësohet se nga gafa e studentit një pjesë e mirë e zonës ka mbetur edhe pa drita pasi autoritetet kanë stakuar energjinë elektrike.