Nuk ka të ndalur transporti i drogës nga Shqipëria në vendet fqinje.
Një operacion është zhvilluar sot në Aetopetra të Janinës, ku policia greke ka sekuestruar 142 kg marijuanë në kufirin greko-shqiptar.
Burimet thanë se ka rënë në pranga drejtuesi i mjetit, një shqiptar 20-vjeçar, emri i të cilit nuk bëhet me dije.
Gjatë kontrollit në makinë u gjendën 6 çanta që përmbanin107 pako me 142 kg 500 gram marijuanë. Shqiptarit iu sekuestruan edhe 100 euro dhe 2 celularë.
Ndërkaq policia po vijon hetimet për çështjen në fjalë.