Policia e Tiranës ka arrestuar pas 12 vjetësh në kërkim nga Interpoli, Ilir Ballën, 42-vjeçarin me banim në kryeqytet.
Ai do të ekstradohet në Itali, ku ishte shpallur në kërkim ndërkombëtar, pasi Gjykata e Catanzaro, me vendimin penal nr.157/05 RMC të datës 02.11.2005, ka caktuar masën e sigurisë "Arrest me burg". Balla akuzohet për: "Pjesëmarrje në organizatë kriminale", "Heqje e paligjshme e lirisë" dhe "Shfrytëzim prostitucioni", parashikuar nga Nenet 416, 600 të Kodit Penal Italian dhe Neni 3, 4 të Ligjit 75/58 mbi prostitucionin dhe heqjen e lirisë.
Materialet iu referuan Prokurorisë së Rrethit Gjyqësor Tiranë për veprime të mëtejshme, në ngarkim të shtetasit të lartpërmendur.