Pasditen e kësaj të premte një trup i pajetë dhe i dekompozuar është gjetur pranë spitalit të qytetit të Lushnjes.
Trupi është gjetur nga kalimtare te rastit, të cilët kanë njoftuar policinë pasi kanë pikasur erën e rënde në disa ndërtesa që janë përgjatë aneksit sportiv fare pranë spitalit të Lushnjes.
Grupi hetimor ne vendngjarje ka thënë për mediat se personi është i paidentifikuar dhe se po punohet për te gjetur shkaqet e vdekjes së tij.
Dyshohet se personi është rreth 65 vjeç, i seksit mashkuall dhe mendohet se ka qenë endacak.
Ndërkohë pritet ekspertiza për të zbuluar shkakun e vdekjes si dhe po punohet për identifikimin e tij.