Një aksident ka ndodhur ditën e sotme në Tiranë, ngjarja mendohet të ketë ndodhur rreth orës 11:59 në rrugën “Don Bosko” ku një makinë ka goditur një adoleshent. Në vendngjarje ka mbërritur ambulanca dhe policia dhe mësohet se është përplasur adoleshenti me inicialet inicialet A. N., nga mjeti i tipit “Volksvagen”, me drejtuese shtetasen M. F. I riu është transportuar me shpejtësi në spital për të marrë ndihmën e duhur ndërsa drejtuesja e automjetit është shoqëruar në polici për veprimet e mëtejshme procedurale.
