Rreth orës 10 të mëngjesit të ditës së sotme në hyrje të Shkodrës tek vendi i quajtur “Bexhisteni” një makinë tip “Benz” ngjyrë e zezë ka përplasur një këmbësor.
Burri rreth moshës 55-60 vjeç ka qenë duke kaluar rrugën kur “Benz-i” e ka përplasur duke e lënë të shtrirë në tokë. Sipas dëshmitarëve për JOQ.al shoferi i “Benz-it” ka dalë nga makina dhe i është gjendur pranë të plagosurit.
I plagosuri është dërguar në spitalin e Shkodrës dhe bëhet me dije se ndodhet në gjendje të rëndë shëndetësore. Policia ndodhet në vendngjarje për të sqaruar rrethanat e aksidentit.