Dy të rinj kanë rënë në prangat e policisë së Krujës për vjedhjen e baterive të antenës së një kompanie celulare.
Blutë arrestuan shtetasit Nezir Kocja 23 vjeç, banues në Fushë-Krujë dhe A. C. 17 vjeç, banues në Krujë.
Policia thotë se dy të arrestuarit “më datë 29.06.2017, në vendin e quajtur”Mali i Krujës”, në bashkëpunim me njëri-tjetrin dyshohet se kanë vjedhur bateritë e antenës të një kompanie celulare”.
Në cilësinë e provës materiale u gjetën dhe sekuestruan 6 bateritë e vjedhura.
Materialet kaluan Prokurorisë së Rrethit Gjyqësor Krujë për veprime të mëtejshme për veprën penale”Vjedhja” në bashkëpunim.