Një person është plagosur në orët e mbrëmjes në Isniq të Deçanit.
Një 58 vjeçar është plagosur sonte në Isniq të Deçanit me armë zjarri.
Lajmin për plagosjen e bëri të ditur për kallxo.com mjeku kujdestar në Spitalin Rajonal të Pejës Sadri Berisha.
Sipas Berishës, i plagosuri është sjellë në orën 21:00 në Emergjencën e Spitalit të Pejës me autoambulancën e Deçanit.
“Pacienti ka marrë plagë nga armët e zjarrit dhe pasi është bërë vlerësimi i gjendjes është dërguar per QKUK”, tha Berisha.
Mjeku bëri të ditur se i plagosuri është nga Komuna e Deçanit, përkatësisht fshati isniq, i lindur në vitin 1959.