(E plotësuar) - Një sherr banal në një lokal në rrugën “Sepolion 5”, në lagjen me të njëjtin emër të kryeqytetit grek, mbrëmjen e kësaj të enjteje, për pak mund të shkaktonte viktima.
Sipas policisë greke, gjithçka nisi rreth orës 22:00 të mbrëmjes me atë lokale, kur disa klientë shqiptarë të dehur nisën të grinden me njëri-tjetrin, e në vazhdën e mosmarrëveshjeve njëri prej tyre nxori pistoletën dhe qëlloi të paktën 9 herë në drejtim të xhamave të lokalit.
Plumbat dëmtuan lokalin, por për fat të mirë nuk shkaktuan viktima, raporton tch. Pak më vonë, në vendngjarje mbërriti policia, e cila nisi operacionin për gjetjen e autorëve, por ende nuk ka asnjë të ndaluar për ngjarjen.
Autoritetet greke thonë se lokali është pronë e disa emigrantëve shqiptarë nga Lushnja. Nuk dihen nëse sherri është provokuar për ndonjë arsye, apo ishte thjesht një ngjarje sporadike.
Sherre të ngjashme ndodhin shpesh në kafenetë e Athinës, në të cilat klientët janë kryesisht emigrantë të varfër, të cilët konsumojnë alkool me çmim të lirë në këto ambiente.
Pavarësisht kontrolleve të shpeshta në to, policia nuk ka mundur të kontrollojë situatën. Në të njëjtin lokal, 3 vite më parë është ekzekutuar një shtetas shqiptar nga Berati, 35 vjeç. Nuk dihet nëse dy ngjarjet kanë ndonjë lidhje mes tyre apo jo.
***
Athina është tronditur këtë mbrëmje nga një seri të shtënash me armë që kanë ardhur nga një lokal në pronësi të disa shqiptarëve.
Gjithçka ka nisur rreth orës 22:00 ku pas një shërri në dukje banal mes disa klientëve shqiptarë të dehur, njëri prej tyre ka nxjerrë pistoletën dhe ka qëlluar rreth 9 herë në drejtim të vetratës së lokalit.
Për fat të mirë plumbat nuk kanë kapur asnjë person. Ngjarja ka ndodhur në rrugën “Sepolion 5” në një lolak në pronësi të disa emigrantëve nga Lushnja. Pikërisht në të njëjtin lokal, 3 vite më parë, është ekzetutuar një 35 vjeçar nga Berati.
Policia ka nisur hetimet dhe po shikon mundësinë nëse dy ngjarjet kanë lidhje me njëra- tjerën. Nga ana tjetër, autori që ka qëlluar në drejtim të atyre me të cilët ishte në konflikt, nuk është gjetur ende.
