Gazetari investigativ Artan Hoxha ka bërë një deklaratë të fortë në lidhje me hetimet që po kryen për atentatin mafioz ndaj ish-policit Ervin Dalipaj dhe mikut të tij Juxhin Dautaj.
Duke folur në emisionin “Kjo javë” në News24, Hoxha tha se janë të përfshirë oficerë policie, madje nën hetim është një zyrtar i policisë.
“Zyrtari i policisë nuk është paraqitur në punë. Ai është në listën e personave nën hetim. Një nga makinat e autorëve të krimit është përdorur para disa vitesh nga një zyrtar policie”, tha ndër të tjera gazetari Artan Hoxha.
