Dy persona kanë gjetur vdekjen dhe tre të tjerë kanë mbetur të plagosur në një aksident rrugor rreth mesnatës së shkuar në provincën e Piacenzas në Itali. Mediat vendase raportojnë se aksidenti është regjistruar në aksin pranë Borgonovo Val Tidone.
Për pasojë, dy shtetas italianë kanë gjetur vdekjen e menjëhershme, ndërsa midis tre të plagosur është edhe një 20 vjeçar shqiptar, shkaktar i aksidentit.
Viktima, një 30 vjeçar dhe një 48 vjeçar po ktheheshin në banesë pas një loje futbolli amator, kur u përplasën nga një automjet që vjen në drejtim të kundërt, përplasje e cila ka ndodhur për arsye të paqarta duke shkaktuar përplasjen e fortë kokë më kokë të makinave.
Dy persona të tjerë në makinën e dy viktimave u plagosën rëndë dh u transportuan me urgjencë në spitalin e Piacenzas, bashkë edhe me 20 vjeçarin shqiptar, shkaktar i aksidentit sipas “Ansa”-s.
Ekipet zjarrfikëse shkuan menjëherë në vendin e ngjarjes, ndërsa policia nis hetimet për të sqaruar rrethanat.