Një burrë 56-vjeçar u arrestua ditën e sotme pasi kishte dhunuar dhe më pas kishte qëlluar disa herë bashkëshorten e tij 53-vjeçare me thikën e bukës në shtëpi. Gjithçka ka ndodhur në banesën e çiftit Rama në Fushë Krujë
Ramazan Rama qëlloi gruan e tij, Q. Rama pas një debati të ashpër. Siç shkruan Panorama, sherri kishte nisur pasi gruaja ishte kthyer në shtëpi e dehur. Ajo kishte dalë dhe kishte pirë alkool me mikeshat e saj.
Një gjë e tillë ka qenë e papranueshme nga Ramazani, i cili në nxehje e sipër rrëmbeu thikën e bukës dhe qëlloi disa herë 53-vjeçaren.
Gruaja e dëmtuar ndodhet në Spitalin Ushtarak Tiranë nën kujdesin e mjekëve, ndërsa policia ka arrestuar Ramazanin.
