Raportet policore në muajt e fundit, tregojnë se edhe meshkujt në Kosovë po përjetojnë dhunë nga femrat.
Rasti i fundit i raportuar nga Policia e Kosovës ka ndodhur të shtunën e vikendit që shkoi, kur rreth orës 16:20 minuta Policia ka pranuar një thirrje nga ankuesi mashkull, i cili kërkonte ndihmën e forcave të rendit ngase ish bashkëshortja e tij po e kërcënonte me armë.
Ngjarja ka ndodhur në qytetin e Mitrovicës, në rrugën “Mbretëresha Teutë”, ku raportohet se një mashkull është kanosur me armë nga e dyshuara femër, ish bashkëshortja e viktimës. Policia deklaroi se nga e dyshuara është konfiskuar një revole dhe me urdhër të prokurorit rasti ka shkuar në procedurë të rregullt.
