Një plagosje me thikë ka ndodhur ditën e djeshme në Durrës.
Policia e Durrësit bën me dije se pas një konflikti për motive të dobëta, një 25-vjeçar në Durrës i ka nguluar thikën vëllait të tij.
Pas ngjarjes, policia ka vënë në pranga Emiliano Begeja 25 vjeç, banues në Durrës, autori i plagosjes.
Ndërsa, A.B. 22 vjeç, ndodhet në Spitalin Rajonal Durrës nën kujdesin e mjekëve.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale" Plagosja e lehtë me dashje" dhe " Dhunë në familje".