Ditën e djeshme Policia e Tiranës nën operacionin e koduar “Free Taxi” ka arritur të shkatërrojë një rrjet prostitucioni në Tiranë.
Ky rrjet mësohet se drejtohej nga një polic. Policia gjithashtu arrestoi, 4 taksistë, prostituta dhe tutoret e tyre.
Sipas policisë, të arrestuarit për të ushtruar prostitucionin i çonin femrat kryesisht në hotele në zonën e Liqenit, Kasharit dhe Kombinatit.
Por kush është polici rrugor, Elton Shtrepi?
Ai ka lindur në Berat, është i martuar dhe baba i një vajze. Prej disa kohësh ushtronte detyrën e punonjësit të Policisë Rrugore pranë Komisariatit të Policisë Rrugore në Tiranë.
Por, jo vetëm kaq, “shef” Eltoni ka qenë makthi i shoferëve në rrugë. Shumë shoferë janë ankuar për të, pasi u vendoste gjoba kot edhe kur shoferët ishin me të drejtë.
Ai mbulonte zonën e Unazës, pranë Gjykatës së Krimeve të Rënda, madje shumë herë makinat i ka tërhequr me karrotrec edhe kur nuk kishte tabelë për ndalim qëndrimi.
Gjithashtu një tjetër i arrestuar është nga Berati, bëhet fjalë për Albion Todri.
