Në Pejë mbrëmë është arrestuar një person pasi që i njëjti pas një mosmarrëveshjeje të mëhershme është fjalosur dhe më pas ka shtënë me armë zjarri në drejtim të një personi tjetër.
Sipas policisë, viktima ka pësuar lëndime trupore dhe i njëjti është dërguar në spitalin rajonal Pejë.
Policia në vendin e ngjarjes ka gjetur dhe konfiskuar tre gëzhoja të cal.7.62, ndërsa tek i dyshuari një revole M 57 që dyshohet të jetë përdorur në rast dhe një karikator të zbrazët.
Me urdhër të prokurorit i dyshuari dërgohet në mbajtje.
