Pritje të gjata, vdes mërgimtari me pasaport gjermane në kufirin mes Hungarisë dhe Serbisë

Kronikë e zezë

Pritje të gjata, vdes mërgimtari me pasaport gjermane në kufirin mes Hungarisë dhe Serbisë

Më: 25 dhjetor 2016 Në ora: 12:22
ilustrim

Një person nga Kosova ka vdekur në kufirin mes Hungarisë dhe Serbisë.

Viktima është një 26 vjeçar nga Prishtina, me nënshtetësi gjermane, i cili ishte duke pritur që nga Hungaria të hyjë në kufirin e shtetit serb në të cilin janë krijuar kolona të gjata të mërgimtarëve nga Kosova.

Personi me inicialit E.B, ka rrëfyer momentin e vdekjes së të riut në orët e hershme të ditës së sotme.

“Unë isha pas veturës së personit i cili ndërroj jetë në moment të pa pritur, aty ku ishim të gjithë duke pritur të hyjmë në kufirin serb. Në veturën me tabela gjermane e cila i takonte personit të ndjerë, ka dalë bashkudhëtari i tij i cili menjëherë ka sinjalizuar në panik se personi i cili ngiste veturën është në gjendje të rënë shëndetësore, duke kërkuar ndihmë. Pasi kërkuan ndihmë tek autoritetet serbe që ishin aty pranë, ndihma e shpejtë ka ardhur gjysme ore me vonesë ku tanimë personi kishe ndërruar jetë”, ka rrëfyer E.B, për Indeksonline.

Sot mund të lexoni Shfletoni kopertinat