Pasi iu mohua mundësia për të dëshmuar në gjyq për natën kur ish-i dashuri i e spërkati me benzinë e i vuri zjarrin, një grua nga Ohio ftoi gazetarët e NBC4i në spital për të treguar më shumë për makthin që përjetoi.
Judie Malinowski, 33 vjeç, e njëkohësisht nënë e dy fëmijëve, mori djegje të tmerrshme në 80% të trupit të saj në gusht të vitit 2015.
Michael Slager, 41 vjeç, i cili tha se i vuri zjarrin të dashurës padashje teksa tentoi të ndizte cigaren, u dënua këtë të hënë nga një gjyqtar në Columbus me 11 vite burg.
“Nuk e mendoja kurrë që një njeri mund të ishte aq i lig. Ai thjesht qëndroi aty dhe nuk bëri asgjë,” tha Malinowski.
Thuajse një vit e gjysmë pas betejës së saj me vdekjen, 33 vjeçarja ndodhet ende në spital ku merr frymë me anë të një ventilatori, nuk mund të ecë e flet duke pëshpëritur pas dëmtimit të gjerë në trakenë e saj.
Judie i është nënshtruar 50 operacioneve deri tani, dhe mjekët thonë se më shumë mundësi ajo nuk do mund t’ja dalë dot.