Policia e Durrësit sqaron se, pas kryerjes së ekzaminimit mjeko-ligjor dhe veprimeve hetimore rezultoi se plagosja e H.K. e ndodhur pasditen e sotme në Durrës, nuk është kryer me armë zjarri, por me mjet prerës (thikë).
Veprimet hetimore të Policisë së Durrësit kanë bërë të mundur zbardhjen dhe dokumentimin e plotë të ngjarjes duke kapur dhe arrestuar autorët e dyshuar, konkretisht:
• A.K. 36 vjeç dhe E.P. 22 vjeç, banues në Shijak.
Autorët kanë lidhje familjare me njëri-tjetrin, dajë-nip.
Konflikti ka qenë midis dy personave të lartpërmendur me pronarin e lokalit, shtetasin D.B. dhe jo me shtetasin H.K.
Në momentin që ka ndodhur konflikti, në ambientet e lokalit ka qenë i pranishëm si klient edhe H.K., i cili ka tentuar të qetësojë situatën, por fatkeqësisht është plagosur.