Një ekzekutim i frikshëm në stilin e filmave aksion, është regjistruar nga një kamera sigurie në Brazil.
Ngjarja ka ndodhur në zonën e Barra Mansa-s, ku siç shihet edhe nga pamjet, një person i armatosur me një pistoletë afrohet dhe qëllon një punonjës. Megjithatë, fati ka qenë në anën e viktimës, i cili falë një lëvizjeje mjaft të shpejtë, ka arritur të shmangë goditjen dhe të fshihet.
Vrasësi vazhdon të qëllojë edhe për disa sekonda, por duket se asnjë nga plumbat nuk i ka rrezikuar jetën personit tjetër, i cili mori vetëm disa plagë të lehta.