Një sasi e konsiderueshme parash dhe sendesh me vlerë janë vjedhur në një banesë në rrugën ‘Thanas Ziko’ në Tiranë.
Ngjarja ka ndodhur ditën e djeshme, ku persona të paidentifikuar kanë hyrë në banesën e Agim D. dhe kanë marrë 14 milionë Lekë të vjetra, 370 Euro, 6 unaza floriri, 2 unaza argjendi dhe 1 orë burrash.
Pronari i banesës ka bërë denoncim në polici, ndërsa uniformat blu kanë nisur hetimet për të identifikuar dhe arrestuar autorët.