Një shqiptar është lënduar gjatë një aksidenti rrugor të ndodhur gjatë mesnatës në Itali, megjithatë është jashtë rrezikut për jetën.
Ekipi i zjarrfikësve të Cascina-s ka ndërhyrë në rrugën “Vicarese“, ku ndodhi aksidenti.
Shkaqet e aksidentit janë ende nën hetim, por dyshohet se shoferi ka humbur kontrollin e makinës dhe është përplasur me një pishë.
Shqiptari, identiteti i të cilit nuk bëhet i ditur, ka qenë i ndërgjegjshëm pas aksidentit me makinën e tij tip “Fiat Panda”. Ai u dërgua në spital me autoambulancë.