Policia e Tiranës ka zbuluar sot një rrjet trafikimi mjetesh të vjedhura nga Italia, përfshi këtu edhe marka të shtrenjta si “Ferrari”. Në kërkim janë shpallur dy persona.
Ata janë S.P. 29 vjeç dhe italiani Filippo Guaraldi, 36 vjeç. Shtetasi italian dyshohet se ka trafikuar në mënyrë të paligjshme në Republikën e Shqipërisë mjetin tip “Ferrari”, i dyshuar i vjedhur në Itali.
Nga hetimet e kryera rezulton se ky shtetas është ndihmuar nga shtetasi S. P. për kryerjen e këtij veprimi të paligjshëm.